नेपालगञ्ज : कोरोनाबाट बाँकेमा थप तीनजनाको मृत्यु भएको छ । संक्रमित बिरामीहरुको उपचार भइरहेको नेपालगञ्जस्थित भेरी अस्पतालमा दुईजना र नेपालगञ्ज मेडिकल कलेज शिक्षण अस्पताल कोहलपुरमा एकजना गरि थप तीनजनाको मृत्यु भएको जिल्लाका कोरोना फोकलपर्सन तेज ओलीले जानकारी दिए ।
उनका अनुसार उपचारका क्रममा बढैयाताल गाउँपालिका–४ बर्दियाका ६१ वर्षीय पुरुष, कोहलपुर नगरपालिका–११ का ६५ वर्षीय पुरुष र लमही नगरपालिका–८ दाङका ६३ वर्षीय पुरुषको मृत्यु भएको हो ।
योसँगै बाँकेमा हालसम्म उपचारका लागि जिल्ला बाहिरबाट आएका ३२१ जना र जिल्लाकै ३०३ जनाको मृत्यु भएको छ ।
