नेपालगञ्ज : बाँकेमा कोरोना संक्रमणका कारण थप ८ जनाको मृत्यु भएको छ । भेरी अस्पतालमा ४ जना र नेपालगञ्ज मेडिकल कलेज कोहलपुरमा ४ जनाको मृत्यु भएको हो । मृत्यु हुनेमा बाँकेका ३ जना, दाङका २ जना तथा बर्दिया, कैलाली र कंचनपुरका १/१ जना छन् ।
जिल्ला कोभिड–१९ संकट व्यवस्थापन केन्द्र बाँकेका फोकल पर्सन तेज वलीका अनुसार भेरी अस्पतालमा उपचाररत कोहलपुर १० की ४४ वर्षीया महिला, तुलसीपुर १० दाङका ५२ वर्षीय पुरुष, नेपालगञ्ज ६ का ५० वर्षीय पुरुष र मधुवन ७ बर्दियाका ५७ वर्षीय पुरुषको कोरोनाबाट मृत्यु भएको छ ।
त्यस्तै नेपालगन्ज मेडिकल कलेज कोहलपुरमा उपचाररत कोहलपुर ६ बाँकेकी ५२ वर्षीया महिला, भिमदत्त २ कंचनपुरका ५४ वर्षीय पुरुष, जोशीपुर १ कैलालीका ५० वर्षीय पुरुष र लमही २ दाङकी ६८ वर्षीया महिलाको मृत्यु भएको छ ।
योसंगै कोरोनाबाट बाँकेका २७२ जनाको मृत्यु भएको छ भने बाहिरी जिल्लाका २२७ जनाको मृत्यु भएको छ ।
