नेपालगञ्ज : बाँकेमा कोरोनाबाट निको भई डिस्चार्ज हुने क्रम बढ्दै गएको छ । बाँकेमा बुधबार ८८ जना कोरोना संक्रमणमुक्त भई डिस्चार्ज भएका छन् । बाँकेका कोरोना फोकल पर्सन तेज ओलीका अनुसार ३७ महिला र ५१ पुरुष कोरोनामुक्त भई डिस्चार्ज भएका हुन् ।
बाँकेमा कोरोनाको संक्रमण दर ह्वात्तै बढेसँगै यहाँ रहेका अधिकाशं आईसोलेशन केन्द्र तथा अस्पताल भरिभराउ भएका छन् । यद्यपी दैनिक ठुलो सँख्यामा कोरोना संक्रमणमुक्त भएका ब्यक्तिहरुलाई डिस्चार्ज गरेर घर फिर्ता पठाउने काम भईरहेको ओलीले बताए ।
