कोहलपुर (बाँके) : पूर्वपश्चिम राजमार्ग अन्तरगत बाँकेको कोहलपुर रोहिनी खोला नजिकै बस र टिप्पर एक आपसमा ठोकिदा ४ जनाको मृत्यु हुनुको साथै ३५ जना घाइते भएका छन् ।
सुर्खेतबाट धरान जाँदै गरेको मे १ ख ३३४७ नंम्बरको यात्रुबाहक बस र विपरित दिशाबाट आएको अनटेस्ट मालबाहक टिप्पर शुक्रबार साँझ ६ बजे एक आपसमा ठोकिदा ३ पुरुष सहित एक महिलाको मृत्यु भएको जिल्ला प्रहरी कार्यालय बाँकेका प्रहरी निरिक्षक सुरज क्षेत्रीले जानकारी दिए ।
सो घटनामा परि घाइते भएक ३५ जना मध्ये ८ जनाको अवस्था गम्भीर रहेको प्रहरीले जनाएको छ । घाइतेहरुलाई नेपालगञ्ज मेडिकल कलेजमा उपचारको लागि पठाईएको छ ।
