नेपालगञ्ज : भारतबाट नेपालगञ्जको जामुनहा नाका भएर नेपाल फर्किएका ३ जनामा कोरोना देखिएको छ । जमुनाह नाकामा गरिएको एन्टिजेन परीक्षणमा बाँके, बर्दिया र दैलेखका एकएक जनामा भाइरस पोजेटिभ देखिएको हो ।
कोरोना फोकल पर्सन तेज ओलीका अनुसार बाँके बैजनाथ गाउँपलिका ३ का २७ वर्षीय पुरुष, बारबर्दिया ७ बर्दियाका २५ वर्षीय पुरुष र नारायण नगरपालिका ५ दैलेखका २१ वर्षका पुरुषमा कोरोना पोजेटिभ पुष्टि भएको छ ।
कोरोना पोजेटिभ देखिएका सबै जनालाई भेरी अस्पतालको कोरोना आइसोलेशन कक्षमा भर्ना गरिएको ओलीले बताए । अहिलेसम्म भारतबाट फर्किएका १० जनामा कोरोना पोजेटिभ देखिएको छ ।
