नेपालगञ्ज : बाँकेमा होली खेल्ने क्रममा होहल्ला गर्दै उच्छृङ्खल गतिविधि गर्ने ७६ जना प्रहरीको फन्दामा परेका छन् ।
होली खेल्ने क्रममा मादक पदार्थ सेवन गरी झगडा गर्ने, मोटरसाइकलमा तीन जना सवार गर्ने र हेल्मेट नलगाई मोटरसाइकल चलाउने ७६ जनालाई जिल्लाका विभिन्न स्थानबाट पक्राउ गरिएको थियो ।
त्यस क्रममा ६८ वटा मोटरसाइकल समेत नियन्त्रणमा लिइएको थियो। तर, पक्राउ परेका ब्यक्ति र मोटरसाइकललाई कानुन वमोजिम कारवाही गरी आफन्तको जिम्मा लगाइएको बाँके प्रहरीले जनाएको छ ।
भारतमा कोरोनाको दोस्रो लहर तीव्र गतिमा फैलिएपपछि बाँके प्रशासनले सार्वजनिक स्थानमा होली नखेल्न आग्रह गरेको थियो । बाँके प्रहरीले सार्वजनिक सूचना नै जारी गरेर सचेत गराएको थियो ।
