पार्टी एकता राष्ट्रिय अभियानको जिल्ला भेला सम्पन्न

सदरलाइन संवाददाता २१ फाल्गुन २०७७, शुक्रबार १८:१२
 

नेपालगञ्ज : नेपाल कम्युनिष्ट पार्टी (नेकपा) एकता राष्ट्रिय अभियानको जिल्ला भेला बाँकेको नेपालगञ्जमा शुक्रबार सम्पन्न भएको छ । भेलाबाट डोलराज अर्याल संयोजक र रुबी खान सह संयोजक रहेको १०१ सदस्यीय पार्टी एकता राष्ट्रिय अभियान जिल्ला समन्वय समिति बाँके गठन गरिएको छ ।

भेलामा बाँकेका आठ वटै पालिकाहरुबाट प्रतिनिधिमुलक उपस्थितीरहेको र अब केही समय भित्रै सबै पालिकाहरुमा समन्वय समिति गठन गरिने संयोजक डोलराज अर्यालले जानकारी दिए ।

भेलामा एकता राष्ट्रिय अभियानका केन्द्रीय सचिवालय सदस्य पूर्व सांसद हिक्मत बहादुर शाही र केन्द्रीय सदस्य कमल बस्नेतले एकता राष्ट्रिय अभियानको आवश्यकता, यसको औचित्यता र यसको उद्देश्यसहित अवधारणा माथि प्रकाश पारेका थिए । भेलामा अभियानका केन्दीय सदस्यहरु भीम रावत, मो.शेरबागबान, रुबी खान, जनार्दन केसी, दमन थापा तथा अज बहादुर मल्लसहित करिब १ सय ५० जनाको सहभागिता रहेको थियो ।

नेपाल कम्युनिष्ट पार्टी (नेकपा) भित्रको अन्तरसंघर्षलाई देखाउँदै गत पुष ५ गते प्रधानमन्त्री केपी शर्मा ओलीले प्रतिनिभिसभाको आकस्मिकरुपमा विघटन गरे पश्चात् नेपाल कम्युनिष्ट पार्टी (नेकपा) झण्डै झण्डै विभाजनको अवस्थामा पुगेको छ ।

पार्टी भित्र देखिएको यस्तो विग्रहको अवस्थामा नेपाल कम्युनिष्ट पार्टी (नेकपा) लाई एकतावद्ध गराउने उद्देश्यले सो पार्टीका केन्द्रीय उपाध्यक्ष वामदेव गौतमले कुनै पनि पक्षमा नलागि आफ्नै संयोजकत्वमा पार्टी एकता राष्ट्रिय अभियान गठन गरी एकताको अभियान चलाइरहेका छन् ।

प्रतिनिधिसभाको पुनसर््थापना पश्चात् नेपाल कम्युनिष्ट पार्टी (नेकपा) अझै पनि एकतावद्ध हुनसक्ने सम्भावना जिवितै रहेकाले यो अभियानलाई जनस्तरसम्म लैजानु पर्ने आवश्यकता रहेको भेलामा सहभागीहरुले प्रतिक्रिया दिएका थिए ।

Next Post

बाँकेमा दोस्रो चरणको खोप २३ गतेदेखि २५ गतेसम्म लगाईदैं ।

२१ फाल्गुन २०७७, शुक्रबार १८:१२
नेपालगन्ज: बाँकेमा कोरोना भाईरस विरुद्धको दोस्रो चरणको खोप २३ गतेदेखि २५ गतेसम्म लगाइदै छ । पहिलो चरणमा छुटेका र ज्येष्ठ नागरिकलाई खोप लगाउन लागिएको हो । शुक्रबार जिल्ला प्रशासन कार्यालय बाँकेमा पत्रकार सम्मेलन गरी दोस्रो चरणको खोपबारे स्वास्थ्य कार्यालय बाँकेले जानकारी दिएको छ । स्वास्थ्य कार्यालय बाँकेका प्रमुख धिरजंग शाहले […]