नेपालगञ्ज : नेपालगञ्जमा शुक्रबारदेखि ‘अन्तर मावि मेयरकप छात्र क्रिकेट प्रतियोगिता र उपमेयरकप छात्रा क्रिकेट प्रतियोगिता’ हुने भएको छ । नेपालगञ्ज उप–महानगरको सहयोग र बाँके जिल्ला क्रिकेट संघको आयोजनामा २१ गतेदेखि ‘अन्तर मावि मेयरकप छात्र क्रिकेट प्रतियोगिता र उपमेयरकप छात्रा क्रिकेट प्रतियोगिता’ हुने भएको हो ।
सो प्रतियोगितामा २० वटा विद्यालयले छात्र क्रिकेटमा सहभागिता जनाएका छन् भने ४ वटा विद्यालय छात्रा क्रिकेटमा सहभागि भएको आयोजकले जनाएको छ । सो प्रतियोगिताको उद्घाटन नेपालगञ्ज उपमहानगरपालिकाका नगर प्रमुख डा. धवल शम्सेर राणाले गर्ने बताईएको छ ।
फागुन २९ गतेसम्म सञ्चालन हुने सो प्रतियोगितामा प्रथम हुनेलाई ४० हजार, दोश्रो हुनेलाई २० हजार र उत्कृष्ट व्याट्सम्यानलाई ३ हजार, उत्कृष्ट बलरलाई ३ हजार, उत्कृष्ट उदयीमान खेलाडीलाई ३ हजार, म्यानअफ दि सिरिजलाई ५ हजार र म्यानअफ दि म्याचलाई ५ सय रुपैया पुरस्कारको व्यवस्था गरिएको आयोजकले जानकारी दिएको छ ।
