नेपालगञ्ज : नेपालमा पछिल्लो २४ घण्टामा १ सय १९ जना कोरोना संक्रमित थपिएका छन । नेपालमा यो सहित संक्रमितको संख्या २ लाख ७१ हजार ९ सय २५ जना पुगेको छ ।
बाँकेमा आइतबार दुईजना मात्र संक्रमित थप भएको जिल्ला कोरोना फोकलपर्शत तेज वलीले जानकारी दिए । उनले थप भएका संक्रमित कोहलपुर मेडिकल कलेजमा गरिएको जाँचबाट पुष्टि भएको बताए ।
पछिल्लो २४ घण्टामा २६० जना निको भएर घर फर्किएका छन । योसँगै २ लाख ६८ हजार ७२ जना पूर्ण निको रुपमा निको भएका छन । नेपालमा अब सकृय संक्रमितको संख्या १ हजार ८ सय १५ जना मात्र छन ।
कोरोना संक्रमणका कारण पछिल्लो २४ घण्टामा ३ जनाको मृत्यु भएको छ । योसँगै नेपालमा कोरोना संक्रमणका कारण मृत्यु हुनेको संख्या २ हजार ३८ जना पुगेको छ ।
