नेकपा नेता यादवलाई पार्टी कार्यलयमा अन्तिम श्रद्धाञ्जली

सदरलाइन संवाददाता २ माघ २०७७, शुक्रबार १२:२२
 


नेपालगञ्ज  : भूमि सम्बन्धी समस्या समाधान आयोगका सदस्य, संविधान सभा सदस्य पूर्वमन्त्री तथा नेकपाका केन्द्रीय सदस्य एवम बाँके ईन्चार्ज दिनेशचन्द्र यादवलाई नेकपा पार्टी कार्यालयमा नेता कार्यकर्ताहरुले अन्तिम श्रद्धाञ्जली ब्यक्त गर्दै बिदाई गरिएको छ ।

नेता यादवको राजधानीको ग्रणडी अस्पतालमा उपचारको क्रममा बिहिवार विहान निधन भएको हो । कोरोना संक्रमण भएपछि उनलाई भेरी अस्पताल नेपालगञ्ज हुँदै ग्राण्डी अस्पतालमा भर्ना गरिएको थियो । पछिल्लो समय उनी कोरोना मुक्त भए पनि स्वास्थ्यमा समस्या भएपछि भेन्टिलेटरमा राखेर उपचार हुँदै गरेको अवस्थामा निधन भएको हो ।

मृगौला, फोक्सो तथा श्वासप्रश्वासमा एकसाथ समस्या देखिएपछि यादवको निधन भएको उनका भतिजा सोहनलाल यादवले जानकारी दिए । उनको शव स्थलमार्गबाट नेपालगञ्ज ल्याइ शुक्रबार बिहान नेकपाको कार्यालयमा श्रद्धाञ्जलीसभा गरी यादवको घर नरैनापुर–२ लक्ष्मणपुर पुराई त्यही हिन्दू परम्परा अनुसार अन्तिम संस्कार गरिने भएको छ ।

स्व यादव २०७० सालको संविधान सभा निर्वाचनमा नेकपा एमालेबाट बाँके क्षेत्र नम्बर २ बाट निर्वाचित भएका थिए । उनी प्रधानमन्त्री केपी शर्मा ओली नेतृत्वको पहिलो सरकारमा खानेपानी राज्यमन्त्रीको जिम्मेवारी निर्वाह गर्दै मन्त्री समेत बनेका यादव यादव नेकपाको बाँके जिल्ला कमिटीको इन्चार्ज तथा केन्द्रीय सदस्य थिए ।

उनको अन्तिम दर्शनको लागि नेकपा पार्टी कार्यालयमा संविधान सभा सदस्य देशवराज भार, निबर्तमान सांसद महेश्वर गहतराज, मो. ईस्तियाक राई, नन्दलाल रोकाय, लुम्बिनी प्रदेशका बन मन्त्री लिला गिरी, सदस्य बाबुराम गौतम, आईपी खरेल, केन्द्रीय सदस्य मो हारुण लगायतका नेता तथा कार्यकर्ताहरु उपस्थित भएर अन्तिम श्रद्धाञ्जदी ब्यक्त गरेका थिए ।

Next Post

बाँकेमा पनि मनाईयो भुकम्प सुरक्षा दिवस (फोटो फीचरसहित)

२ माघ २०७७, शुक्रबार १२:२२
नेपालगञ्ज  : ‘बलियो जग र घर भुकम्पिय सुरक्षाको आधार’ भन्ने मूलनाराका साथ बाँकेमा पनि २३ औं भूकम्प सुरक्षा दिवस–२०७७ मनाइएको छ । दिवसका सन्दर्भ पारेर सशस्त्र प्रहरी बल नं. ४२ रिजर्भ गण हेडक्वाटर शम्शेरगञ्ज बाँकले, भूकम्पको खोज तथा उद्धारमा प्रयोग गरिने औजार तथा सामाग्रीहरुको प्रदर्शन गरेको छ । कार्यक्रममा बोल्दै […]