बर्दिया : बर्दिया राष्ट्रिय निकुञ्ज अन्तर्गत पर्ने राजमार्गमा पाटे बाघको आक्रमणबाट एक महिलाको मृत्यु भएको छ । बाघको आक्रमणबाट कैलाली लम्किचुहा नगरपालिका ४ की ५० वर्षीया नन्कला थापाको मृत्यु भएको हो ।
शुक्रवार नेपालगञ्जबाट २२ वर्षीय छोरा सन्तोष थापासँगै घर फर्किदै गरेकी महिलालाई पाटे बाघले आक्रमण गरेको थियो । शुक्रवार साढे ८ बजेदेखि बेपत्ता ती महिलाको शनिवार बिहान शव फेला परेको हो ।
घटनास्थल नजिकै उनको शव फेला परेको प्रहरीले जनाएको छ । मोटरसाइकलमा रहेकी ती महिलालाई पाटे बाघले झम्टेर लगेको थियो । मोटरसाइकल चलाइरहेका छोरालाई सामान्य चोट लागेको छ ।
