नेपालगञ्ज : पछिल्लो २४ घण्टामा देशभरका विभिन्न प्रयोगशालामा गरिएको पिसिआर परीक्षणमा थप ५ सय २ जनामा कोरोना संक्रमण पुष्टि भएको छ । त्यस्तै, सोही समयावधिमा २ हजार ८ सय ७८ जना संक्रमित कोरोनामुक्त भएका छन् ।
स्वास्थ्य तथा जनसंख्या मन्त्रालयले उपलब्ध गराएको तथ्यांकअनुसार हाल सक्रिय संक्रमितको संख्या ३० हजार ९८६ छ ।
त्यस्तै, पछिल्लो २४ घण्टामा थप १७ जना संक्रमितको मृत्यु भएको छ । योसँगै देशभर हालसम्म मृत्यु हुनेहरूको कुल संख्या १ हजार २ सय ४७ पुगेको छ । पछिल्लो २४ घण्टामा ३ हजार १ सय १२ पिसिआर परीक्षण भएको मन्त्रालयले जनाएको छ ।
