नेपालगञ्ज : कोरोना संक्रमणबाट दैलेखकी एक महिलाको बाँकेमा मृत्यु भएको छ । नारायण नगरपालिका वडा नम्बर २ की ४४ वर्षीया महिलाको मंगलवार विहान साढे ८ बजे नेपालगञज मेडिकल कलेज शिक्षण कोहलपुरमा मृत्यु भएको कोभिड–१९ संकट व्यवस्थापन केन्द्र बाँकेका फोकल पर्सन नरेश श्रेष्ठले जानकारी दिए ।
ती महिलामा मृत्युपछि कोरोना पुष्टि भएको हो । स्वास्थ्यमा समस्या देखिएपछि उनी सोमवार राति अस्पताल भर्ना भएकी थिइन् । कोभिडको आशंकामा मंगलवार विहान स्वाब परीक्षण गरिएकोमा साँझ ४ बजे मात्रै रिपोर्ट आएको थियो । योसंगै बाँकेमा बाहिरी जिल्लाबाट उपचारका लागि आएका ३४ जना कोरोना संक्रमितको मृत्यु भएको छ ।
