नेपालगञ्ज : बर्दियाका थप एक कोरोना संक्रमितको बाँकेमा मृत्यु भएको छ । बर्दियाको राजापुर नगरपालिका वडा नम्बर ८ का ३२ बर्षीय पुरुषको भेरी अस्पताल नेपालगञ्जमा उपचारका क्रममा मंगलवार बिहान ११ बजे मृृत्यु भएको हो ।
उनको स्वास्थ्यमा समस्या देखिएपछि कार्तिक १३ गते अस्पतालमा भर्ना गरिएको थियो । १४ गते कोरोना रिपोर्ट पोजेटिभ आएका उनी स्वास्थ्यकर्मी रहेको कोभिड–१९ संकट व्यवस्थापन केन्द्र बाँकेका फोकल पर्सन नरेश श्रेष्ठले जानकारी दिए । योसंगै बाहिरी जिल्लाबाट बाँकेमा उपचारका लागि आएका ३३ जना कोरोना संक्रमितको मृत्यु भएको छ ।
