नेपालगञ्ज : बाँकेमा थप एक कोरोना संक्रमितको मृत्यु भएको छ । बाँकेको खजुरा गाउँपालिका वडा नं. ३ बी गाउँ बस्ने ४० वर्षीय पुरुषको उपचारका क्रममा शनिवार राती ११ बजे मृत्यु भएको हो ।
कार्तिक १५ गते स्वाब संकलन गरिएको ती पुरुषको आइतवार रिपोर्ट पोजेटिभ आएको कोभिड–१९ संकट व्यवस्थापन केन्द्र बाँकेका फोकल पर्सन नरेश श्रेष्ठले जानकारी दिए । उनको रिपोर्ट आउनुअघिनै मृत्यु भइसकेको मेडिकल कलेजले जनाएको छ ।
स्वाशप्रश्वासमा समस्या आएपछि ती पुरुषलाई उपचारका लागि कार्तिक १५ गते नेपालगञ्ज मेडिकल कलेज शिक्षण अस्पताल कोहलपुरमा भर्ना गरिएको थियो । योसँगै बाँकेमा कोरोनाबाट ज्यान गुमाउनेको संख्या ३२ पुगेको फोकल पर्सन श्रेष्ठले बताए ।
