नेपालगञ्ज : बाँकेमा एकैदिन ७४ जना कोरोनामुक्त भई डिस्चार्ज भएका छन् । विभिन्न आइसोलेशनमा रहेका ४८ पुरुष र २६ महिला कोरोनामुक्त भई शुक्रवार डिस्चार्ज भएका हुन् ।
योसंगै बाँकेमा कोरोना संक्रमणबाट निको भई डिस्चार्ज हुनेको संख्या २ हजार ७ सय ८६ पुगेको स्वास्थ्य कार्यालय बाँकेका कोरोना फोकल पर्सन नरेश श्रेष्ठले बताए ।
बाँकेमा विरामी निको हुने दर ९० दशमलव ५४ प्रतिशत रहेको छ । अब आइसोलेशनमा बाँकेका २ सय ६१ र अन्य जिल्लाका १५ गरी २ सय ७६ जना छन् । बाँकेमा हालसम्म ३ हजार ७७ जनामा कोरोना पुष्टि भएको छ भने ३० जनाको मृत्युु भइसकेको छ ।
