काठमाण्डौ : देशभर मंगलवार ३ हजार ५ सय ५६ जनामा कोरोना भाइरस संक्रमण पुष्टि भएको छ । देशभरका प्रयोगशालामा १५ हजार ५ सय ७७ नमुना परिक्षण गर्दा उनीहरुमा संक्रमण पुष्टि भएको हो ।
योसँगै कुल संक्रमितको संख्या १ लाख १५ हजार ३ सय ५८ पुगेको छ । उनीहरुमध्ये ६ सय ६३ जनाको मृत्यु भएको छ भने ७८ हजार ७ सय ८० जना संक्रमणमुक्त भएका छन् ।
मंगलवार मात्रै थप १८ जनाको मृत्यु भएको छ । पछिल्लो २४ घण्टामा मात्र १ हजार ५ सय ३ जना संक्रमणमुक्त भएको स्वास्थ्य तथा जनसंख्या मन्त्रालयले जनाएको छ । हाल देशभर ३५ हजार ९ सय १५ संक्रिय संक्रमित छन् ।
