नेपालगञ्ज : भारतबाट अवैधरुप नेपाल भित्र्याइएको सुर्तिजन्य पदार्थ सशस्त्र प्रहरीले बरामद गरेको छ ।
सशस्त्र प्रहरी बल विओपी जमुनाहा भन्सारबाट सशस्त्र प्रहरी सहायक निरीक्षक सन्तोष शर्माको नेतृत्वमा गएको टोलीले भारतबाट भित्र्याइएको अवैध सुर्तिजन्य पदार्थ बरामद गरेको हो ।
नेपालगन्ज १५ टंकपसेरीबाट बिडी, पान, कमला पसन्दलगायतका सुर्तिजन्य पदार्थ बरामद गरिएको सशस्त्र प्रहरीले जनाएको छ । ६४ हजार मूल्य बराबरको बरामद गरिएको सामान आवश्यक कारबाहीका लागि भन्सार कार्यालय नेपालगञ्जमा बुझाइएको छ ।
