नेपालगञ्ज : बाँकेमा कोरोना संक्रमणबाट मृत्यु भएका पुरुषको धार्मिक परम्पराअनुसार शुक्रवार अन्तेष्टि गरिएको छ । नेपालगञ्ज उपमहानगरपालिका ३ का ५२ वर्षीय ति पुरुषको शवलाई नेपाली सेनाको एक टुकडीले अन्तिम सलामी अर्पण गर्दै सदगद गरेकोे हो ।
नेपालगञ्ज एकलैनीका ति पुरुषको नेपालगन्ज मेडिकल कलेज शिक्षण अस्पताल कोहलपुरमा उपचारका क्रममा शुक्रवार बिहान २ बजेर २५ मिनेटमा मृत्यु भएको थियो ।
मृतक व्यक्तिको स्वास्थ्यमा समस्या आएपछि असोज ५ गते राती ११ बजे उपचारका लागि मेडिकल कलेज कोहलपुरमा भर्ना गरिएको र कोरोनाको आशंकामा ६ गते बिहान पिसिआर जाँचकालागि स्वाब संकलन गरिएको थियो ।
सोहिदिन दिउँसो आएको कोरोना परिक्षणको नतिजामा उनलाई पोजेटिभ देखिएको र उपचारकै क्रममा शुक्रवार बिहान २ बजेर २५ मिनेटमा उनको मृत्यु भएको अस्पतालले पुष्टि गरेको स्वास्थ्य कार्यालयद्वारा जारी गरिएको प्रेस नोटमा जनाइएको छ ।
