धनगढी : मोटरसाईकलको ठक्करबाट कैलालीमा एक महिलाको मृत्यु भएको छ । सोमवार राती करीब साढे ८ बजे जिल्लाको गौरीगंगा नगरपालिका वडा नम्बर ६ वनबेहडामा सु.प.प्र ०१००८ प ६७३६ नम्बरको मोटरसाइकलको ठक्करबाट पैदल यात्रु ५५ बर्षीया कमलादेबी रोकायाको मृत्यु भएको हो ।
जिल्ला प्रहरी कार्यालय कैलालीका प्रहरी नायव उपरीक्षक प्रतिक बिष्टले सेती प्रादेशिक अस्पतालमा उपचारका क्रममा रोकायाको मृत्यु भएको जानकारी दिए । मोटरसाईकलसहित चालक गौरीगंगा वडा नम्बर १ का २१ बर्षीय रमेश चौधरीलाई प्रहरीले नियन्त्रणमा लिएको छ ।
