नेपालगञ्ज : बाँकेबाट सोमवार ४० जना कोरोना संक्रमणमुक्त भएर घर फर्कंदै छन् । विभिन्न आइसोलेशन केन्द्रमा उपचाररत १६ महिला र २४ पुरुषलाई डिस्चार्ज गर्ने तयारी गरिएको स्वास्थ्य कार्यालय बाँकेका कोरोना फोकल पर्सन नरेश श्रेष्ठले जानकारी दिए ।
योसँगै बाँकेमा कोरोना संक्रमणमुक्त हुनेको संख्या १ हजार नाघेको छ । बाँकेमा भेटिएका जम्मा संक्रमितको संख्या १ हजार ४ सय ४० रहेको छ भने ४ पुरुष र ४ महिलाको कोरोनाका कारण मृत्यु भईसकेको छ ।
