नेपालगञ्ज : चाडपर्व नजिकिँदै जाँदा उद्योग वाणिज्य संघ नेपालगञ्जले लकडाउन र निषेधाज्ञा हटाउन माग गरेको छ । आत्यावश्यकीय उपभोग्यका सामान एवं बिक्री वितरण प्रभावित भएको भन्दै वाणिज्य संघले निषेधाज्ञा पूर्णरुपमा हटाउन माग गरेको हो ।
संघका अध्यक्ष अब्दुल वाहिद मन्सुरीको अध्यक्षतामा बिहीवार बसेको बैठकले कोरोना भाइरस नियन्त्रणका लागि गरिएको लकडाउन र निषेधाज्ञा असोज १ गतेबाट हटाउन माग गरेको हो ।
लकडाउनका कारण उद्योगी व्यवसायी र उपभोक्ता साह्रै मर्कामा पर्नुका साथै चाडपर्व नजिकिंदै गएकोले निषेधाज्ञा हाटाउनु पर्ने संघको माग रहेको छ । संघले बिहीवार विज्ञप्ति जारी गर्दै शुक्रवार र शनिवार गरिँदै आएको निषेधाज्ञासमेत हटाउनेबारे पुनर्विचार गर्नसमेत माग गरेको छ ।
