नेपालगञ्ज : कोरोना संक्रमणबाट मृत्यु भएका नेपालगञ्ज उपमहानरपालिकाका कर्मचारी युवराजबिक्रम घलेको सोमवार अन्त्येष्टी गरिएको छ । ५९ वर्षीय घलेको बाँकेको राप्ती नदीस्थित सिधनियाँ घाटमा हिन्दु संस्कारअनुसार अन्त्येष्टी गरिएको हो ।
नेपाली सेनाको सलामीसहित घलेको अन्त्येष्टी गरिएको बाँकेका कोरोना फोकल पर्सन नरेश श्रेष्ठले जानकारी दिए । नेपालगञ्ज वडा नं. ९ का घलेको आइतवार राती साढे ८ बजे मृत्यु भएको थियो ।
घलेलाई भदौ १५ गते कोरोना पोजेटिभ पुष्टि भएको थियो । भदौ १८ गते भर्ना भएका घलेलाई मुटुको रक्त नलि बन्द हुने समस्या भएको श्रेष्ठले जारी गरेको प्रेस नोटमा उल्लेख छ । योसँगै बाँकेमा कोरोनाको कारण मृत्यु हुनेको संख्या ७ पुगेको छ ।
