नेपालगञ्ज : बाँकेमा सोमवार थप १४ जना कोरोनामुक्त भई डिस्चार्ज भएका छन् । जिल्ला स्वास्थ्य कार्यालय बाँकेका कोरोना फोकल पर्सन नरेश श्रेष्ठका अनुसार वडा प्रहरी कार्यालय आइसोलेशनबाट ४ जना, चिसापानी आइसोलेशनाबाट ३, सुशील कोइराला प्रखर क्यान्सर अस्पताल आइसोलेशनबाट २, डुडुवा आइसोलेशनबाट २ जना तथा खुल्ला कारागार गनापुर, भेरी अस्पताल र कृषि तालिम केन्द्र खजुरा आइसोलेशनबाट एकएक जना कोरोनामुक्त भएर डिस्चार्ज भएका हुन् ।
योसंगै बाँकेमा कोरोना जितेर घर फर्कनको संख्या ६ सय २८ पुगेको छ । बाँकेमा हालसम्म ८ सय २९ जनामा कोरोना पुष्टि हुँदा ४ जनाको मृत्यु भएको छ ।
