खसीको मासु ८ सय प्रतिकिलो र कुखुराको ३५० प्रतिकिलो भन्दा बढीमा बिक्रिगर्न नपाईने

११ असार २०७७, बिहीबार २२:३६
 

सदरलाइनडटकम,
नेपालगञ्ज : लकडाउको बाहानामा बाँकेमा मासु जन्य पदार्थमा चरम मूल्य बृद्धि गरेको जनगुनासो आएपछि जिल्ला प्रशासन कार्यलय बाँकेको पहलमा मासुको मुल्य कायम गरिएको छ ।

बाँकेका प्रमुख जिल्ला अधिकारी रामबहादुर कुरुम्बाङ्गको उपस्थितिमा मासु व्यावसायी तथा उपभोक्ता मञ्च लगायतका प्रतिनिधिहरु सहितको बैठकले अर्को निर्णय नहुँदासम्म खसिको मासु प्रति किलो ८ सय र कुखुराको मासु प्रतिकिलो ३ सय ५० मा बिक्रि बितरण गर्ने सहमती भएको हो ।

बाँकेमा कोबिड–१९ नोबल कोरोना भाईरसको संक्रमणको कारण गरीएको लकडाउनको बाहाना बनाउदै मासु व्यावसायीले खसिको मासु प्रति किलो १ हजार र कुखुराको मासु प्रतिकिलो ४ सय ५० मा बिक्रि बितरण गरेको व्यापक जनगुनासो आएपछि प्रशासनले पुरानै मुल्यमा विक्रिबितरण गर्ने गरी सहमति जुटाएको हो ।

बाँकेका सहायक प्रमुख जिल्ला अधिकारी हरि प्याकुरेलले दिएको जानकारी अनुसार पशुपन्छि व्यावसायी, उपभोक्ता मञ्च, मासु व्यावसायी, पशुज्ञान केन्द्र लगायतको सहभागितामा मासुको मुल्य समायोजनको लागि एक अध्ययन समिति निर्माण गरिएको छ ।

सो अध्ययन समितिले मुल्यको बारेमा अध्ययन प्रतिबेदन नबुझाउदासम्म खसिको मासु प्रति किलो ८ सय र कुखुराको मासु प्रतिकिलो ३ सय ५० मा बिक्रि बितरण गर्नु पर्ने छ । सो मुल्य भन्दा बढीमा बिक्रिगरेको पाईएमा कालोबजारी ऐन अन्तरगत कारवाही गरीने सहमती समेत भएको छ ।

Next Post

विभिन्न अपराधका फरार अभियुक्त धमाधम पक्रिदै प्रहरी

११ असार २०७७, बिहीबार २२:३६
सदरलाइनडटकम, नेपालगञ्ज : बाँके प्रहरीले करिव दर्जन अपराधिक गतिबिधिमा संलग्न राजेश यादवलाई नियन्त्रणमा लिएर ठूला अपराधिक मद्दाका फरार अभियुक्तलाई नियन्त्रणमा लिने अभियानलाई प्रहरीको नेतृत्व फेरीए संगै तीब्रता पाएको छ । यादव बिरुद्ध हत्या तथा विष्फोट लगायतका जघन्य अपराधका ९ वटा मुद्दा रहेका छन । यसक्रममा बिहीबार लागू औषधका डिलर, शरिर […]

सम्बन्धित