जमुनहा नाकामा निःशुल्क खाना वितरण

२२ जेष्ठ २०७७, बिहीबार १६:०३
 

सदरलाइनडटकम,
नेपालगञ्ज : भारतबाट फर्किनेहरुलाई लक्षित गरेर नेपालगञ्जको जमुनाह नाकामा तयारी खाना वितरण शुरु गरिएको छ ।

नेपालगञ्ज उपमहानगरपालिका, प्लान नेपाल, बाँके युनेस्को क्लवको समन्वय र सहकार्यमा भारतबाट आउने नागरिकहरुलाई तयारी खाना वितरण शुरु गरिएको हो ।

प्लान नेपालको आर्थिक सहयोग र नेपालगञ्ज उपमहानगरको समन्वयमा खाना वितरण शुरु गरिएको उपमेयर उमा थापामगरले जानकारी दिइन् ।

भारतबाट आउने नेपालीहरुलाई भोकभोकै बस्न नपरोस् भन्ने उद्देश्यले बाँके युनेस्को क्लवको आयोजनामा निःशुल्क तयारी खाना वितरण शुरु गरिएको हो ।
प्लान नेपालका नेपालगञ्ज प्रमुख मीना पराजुलीले भारतबाट आउने नेपालीहरुले खानसमेत नपाएको गुनासो आएपछि आफुहरुले तयारी खाना र पानीको व्यवस्था गरेको बताइन् । करीब ३५ हजारलाई तयारी खाना र पानी उपलब्ध गराइने उनको भनाई छ ।

Next Post

बाँकेमा थपिए ४२ जना कोरोना संक्रमित

२२ जेष्ठ २०७७, बिहीबार १६:०३
सदरलाइनडटकम, नेपालगञ्ज : बाँकेमा थप ४२ जनामा कोरोना संक्रमण पुष्टि भएको छ । पछिल्लो २४ घण्टामा देशभरमा ३ सय ३४ जना नयाँ कोरोनाका संक्रमित भेटिएका छन् । भेरी अस्पताल नेपालगञ्जमा गरिएको परीक्षणमा बाँकेको जानकी गाउँपालिका वडा नं. १ का ४० जनामा कोरोना संक्रमण देखिएको छ । यस्तै नेपालगञ्ज वडा नं. […]