करिब तीनहजार नेपाली जमुनाहनाका हुदै नेपाल आए

८ जेष्ठ २०७७, बिहीबार १४:३७
 

सदरलाइनडटकम,
नेपालगञ्ज : कोबिड–१९ को महामारीका करण भएको लकडाउको प्रभावमा भारतका विभिन्न प्रान्तमा रहेका नेपालीहरु नेपाल आउन सुरु गरेका छन् ।

यसक्रममा जमुनाह नाकाबाट करिव ३ हजार नेपाली नागरिकलाई प्रवेश गराई उनीहरुलाई आ–आफ्नो जिल्ला पठाईएको छ । सोही संख्यामा रहेका भारतीय मजदुर भारत गएका छन ।

बाँकेका सहायक प्रमुख जिल्ला अधिकारी तथा सुचना अधिकारी दिर्घराज उपाध्यायले जमुनाह नाकाबाट विभिन्न जिल्लाका २ हजार ९ सय १३ जना नेपाली प्रवेश गरेको र सोही नाका भएर ३ हजार १ सय ५८ जना भारतीय नागरिक भारततर्फ गएको जानकारी दिए ।

नेपाल प्रवेश गर्नेहरुमा सबै भन्दा बढी दैलेखका ८१९, बाँकेका ५१०, सुर्खेतका ४९७, सल्यानका ४६२, अछामका ८४, जाजरकोटका ८१, दाङ्गका ५५, बर्दिया २३, प्युठान ११, जुम्ला ११ र अन्य जिल्लाका ३०७ जना रहेका छन् ।

उनीहरु सबैलाई ५६ वटा गाडीमा राखेर संबन्धित जिल्ला र स्थानीय तहको क्वारेन्टाईनमा बस्नेगरी पठाईएको छ । भने ६० जना जान बाँकी रहेका छन् । उनीहरुलाई सकुशल आ–आफ्नो गन्तब्यमा पठाउनको लागि नेपाल प्रहरी तथा सुरक्षा नियकाले समन्वयकारी भुमिका खेलेको थियो ।

Next Post

नौ जना थपिएसँगै संक्रमितको संख्या ४५३ पुग्यो

८ जेष्ठ २०७७, बिहीबार १४:३७
सदरलाइनडटकम, नेपालगञ्ज : बिहीवार नौ जना कोराना संक्रमित थपिएसँगै नेपालमा संक्रमितको संख्या ४ सय ५३ पुगेको छ । रुपन्देहीका १ जना २७ वर्षीय पुरुष, झापाका १७, १८, १८, २०, २०, २३, ५२ र ५५ वर्षका पुरुषमा कोरोना संक्रमण देखिएको स्वास्थ्य तथा जनसंख्या मन्त्रालयले जनाएको छ । कुल संक्रमितमध्ये ३ सय […]