सदरलाइनडटकम,
नेपालगञ्ज : बाँकेमा थप ८ जनामा कोबिड–१९ नोबल कोरोना भाइरसको संक्रमणको पुष्टि भएको छ । नयाँ पुष्टि भएकाहरु नरैनापुरका हुन । यो संगै बाँकेमा संक्रमितको संख्या ३३ पुग्दा प्रदेश नं. ५ मा १ सय नाघेको छ ।
शुक्रबार विहान सार्वजनिक भएको संक्रमणमा बाँकेमा थप ८ जनामा कोरोना पुष्टि भएसंगै प्रदेश नं. ५ मा कुल संक्रमितको संख्या १ सय २ पुगेको छ । १ सय २ जना मध्ये १ जना संक्रमित उपचार पछि निको भएर घर फर्केका छन् ।
शुक्रबार बाँके नरैनापुर गाउपलिकाका वडा नं. १, ३ र ५ का १८, २०, २२, २५, २५, २७, ३२ र ३६ बर्षका पुरुषमा कोरोना पुष्टि भएको छ । यो संगै बाँकेमा कुल संक्रमितको संख्या ३३ पुगेको छ । देसभर संक्रमितको संख्या २५८ पुगेको छ ।
