सुरक्षा समिति बाँकेद्वारा सीमा क्षेत्रको अनुगमन सुरु

२९ बैशाख २०७७, सोमबार १८:५९
 

सदरलाइनडटकम,
नेपालगञ्ज  : नेपाल भारत सीमा क्षेत्रबाट लुकिछिपी नेपाल प्रबेश हुन नदिन स्थानीय प्रशासनले सीमा क्षेत्रको निगरानीलाई कडाई गरेको छ ।

कोबिड–१९ नोबल कोरोना भाईरसको संक्रमणबाट जोगिन आव्हान गरिएको लकडाउनको कारण सीमा क्षेत्र शिल हुँदा सीमा क्षेत्रको आवागमन ठप्प भएपनि अनाधिकृत तरिकाले कोही पनि आवत जावत गर्न नपाओस भनेर सीमा क्षेत्रको अनुगमन तथा निगरानी कडाई गरिएको बाँकेका प्रमुख जिल्ला अधिकारी कुमारबहादुर खड्काले जानकारी दिए ।

उनले लकडाउनको अवस्थामा जो जहाँछ त्यही रहनु पर्ने सहमति अनुसार सीमा क्षेत्रबाट लुकीछिपि आएको वा आउन सक्ने अवस्थालाई कडाई गर्दै सीमा क्षेत्रमा सशस्त्र प्रहरीको निगरानी बढाईएको बताए ।

उनले संक्रमण फैलन नदिन र संक्रमणबाट जोगाउन स्थानीय प्रशासनले गरेको प्रयासमा सबैले साथ दिन आग्रह समेत गरेका छन् । यसैबीच बाँकेको सुरक्षा समितिका सदस्य सहित प्रमुख जिल्ला अधिकारी खड्काको टोलीले सोमबार बाँकेको खजुरा गाउपालिका र जानकी गाउपालिकासंग सीमा क्षेत्र जोडिएका बिभिन्न स्थानको स्थलगत अवलोकन गरेको छ ।

सो अवसरमा सीमा क्षेत्रबाट कुनै पनि आवगमन हुन नदिने कुरामा चनाखो हुन उनले निर्देशन समेत दिएका छन् । बाँकेमा २४ जनामा कोरोना भाईरसको संक्रमण भएको पुस्टी भएको छ ।

Next Post

ज्यानमार्ने धम्की आएपछि स्वास्थ्यकर्मीले प्रहरी गुहारे

२९ बैशाख २०७७, सोमबार १८:५९
सदरलाइनडटकम, खजुरा (बाँके) : बांँकेको खजुरा गांउँपालिका अन्तर्गतको स्वास्थ्य चौकीका कर्मचारीहरुलाई स्थानीय केही ब्यक्तिहरुले ज्यान मार्ने धम्की दिएपछि कर्मचारीहरुले सुरक्षाको माग गर्दै प्रहरीमा उजुरी दिएका छन् । गाउँंपालिकाको सोनपुर स्वास्थ्य चौकीका स्वास्थ्य कर्मचारीहरुलाई स्थानीय रफी भाटसहितको समुहले कार्यालमा आएर ज्यान मार्ने धम्की दिएको भन्दै कर्मचारीहरुले प्रहरीसंग सुरक्षा मागेका हुन् । […]