सदरलाइनडटकम,
नेपालगञ्ज : लकडाउनकाे बेलामा नेपालगञ्जकाे कारकादाे चाेकनजिक शनिबार राती एक चिया नास्ता पसलमा चोरी भएको छ ।
नेपालगञ्जको कारकादो चोक नजिकै रहेको आशिष् नास्ता पसलमा चोरी भएको पसल संचालिका लक्ष्मी पौडेलले जानकारी दिइन ।
‘चिया नास्ता पसल चलाएर गुजारा गरिरहेकी थिएँ, आज राती चोरले पसलको ढोका फोडेर अन्य सामान सहित राहतमा पाएको चामल समेत लग्दियो । अब के खाने ? कसरी गुजारा चलाउने’ पौडेलले भनिन ।
उनले चोरले पसलमा भएको राहतमा पाएको दाल चामल, भरेर राखेको सिलिन्डर ग्यास, साइकल तथा प्रेसर कुकर सहितका भाडाकुडा लगेकाे बताइन ।
लकडाउनकाे कारण पसल बन्द गरेर डेरामा बसेकाे बेलामा चाेरी भएको हाे ।
