सदरलाइनडटकम,
नेपालगञ्ज : नेपालगञ्जको जमुनाह दशगजाको क्वारेन्टाइनमा बिगत १५ दिनदेखि बस्दै आएकाहरु गृह मन्त्रालयको आदेशमा घर जान नपाएको आक्रोशमा गाडी तोडफोड गरेका छन् ।
बिहीबार उनीहरु सबैको र्यापिड डाईगोनोस्टीक टेस्ट किट ‘आरडिटी’ प्रयोग गरी उनीहरुमा कोरोना भाइरसको संक्रमण भएनभएको परीक्षण गरिएको थियो । सो परिक्षणको नतिजा सबै नेगेटिभ आउदा पनि उनीहरुलाई घर जान नदिदा उनीहरु तोडफोडमा उत्रिएका हुन ।
नेपालगञ्ज उपमहानगरपालिका प्रमुख डा.धवलशम्शेर राणाले क्वारेन्टाइनमा एउटा गाडी तोडफोड भएको बताए । १५ दिन क्वारेन्टाइनमा बसेर घर फिर्ता पठाउनको लागि ६ वटा गाडी ल्याइएका थिए । उनीहरु गाडीमा बसेपछि गृहमन्त्रालयको आदेश भन्दै घर फर्कन रोक लगाइएको थियो ।
सो क्वारेन्टाइनमा १८१ जना छन् । उनिहरु सबैको रिपोर्ट नेगेटिभ आएपछी नेपालगञ्ज उपमहानगरपालिकाले आज घर पठाउने तयरी गरेको थियो ।
