आईपीएल अनिश्चितकालका लागि स्थगित

  ।   ३ बैशाख २०७७, बुधबार १५:४३


सदरलाइनडटकम,
काठमाण्डौ : इन्डियन प्रिमियर लिग (आईपीएल) क्रिकेट अनिश्चितकालका लागि स्थगित भएको छ । भारत सरकारले लकडाउन थप तीन साता लम्ब्याएपछि अप्रिल १५ देखि हुने भनिएको आईपीएल अनिश्चिकतकालका लागि स्थगित भएको हो ।
भारतीय क्रिकेट कन्ट्रोल बोर्ड (बीसीसीआई) ले आईपीएल स्थगित गरिएको फ्रेन्चाइज टोलीलाई जानकारी गराएको छ । आईपीएलको नयाँ मितिबारे कुनै उल्लेख गरिएको छैन । बीसीसीआईका अध्यक्ष सौरभ गांगुलीले देशले संकट झेलेका बेला खेल प्राथमिकतामा नरहने बताउँदै आएका छन् ।
बीसीसीआईले आईपीएल स्थगित गरेको जनाएपनि रद्दनै भएको भनेर उल्लेख गरेको छैन । अब आईपीएल सेप्टेम्बर वा नोभेम्बरमा गर्ने सक्ने विकल्प छ । त्यसका लागि आईसीसीसँगको सहकार्यमा एसियाक कप लगायत अन्य ठूला प्रतियोगिता मिलाउनु पर्ने हुन्छ ।

Next Post

नेपालगञ्जका पत्रकारलाई राहत दिइने

३ बैशाख २०७७, बुधबार १५:४३
सदरलाइनडटकम, नेपालगञ्ज : नेपालगञ्जका क्रियाशिलमध्ये समस्यामा रहेका २० जना पत्रकारलाई राहत प्रदान गरिने भएको छ । नेपालगञ्जलाई कार्यक्षेत्र बनाई पत्रकारिता गर्दै आएका र लकडाउनले समस्यामा परेका २० जना पत्रकारलाई बिहीवार राहतस्वरुप खाद्यान्न प्रदान गरिने भएको हो । आफ्नो जीउज्यानको सुरक्षाको खयाल नगरी दिनरात जनतालाई सूचनाको हक प्रत्याभूत गराउन रिर्पोटिङमा खटिरहेका […]