सदरलाइनडटकम,
नेपालगञ्ज : बिश्वव्यापी फैलिएको नोबेल कोरोना भाईरसको त्रासको बीचमा नेपालगञ्जमा रंग र उमंग र सद्भावको पर्वको रुपमा रहेको होली विगतका तुलनामा थोरैले मात्र मनाएका छन् ।
विगतका वर्षहरुमा बाँकेमा विभिन्न गतिविधका साथ संघ संस्थाहरुले विभिन्न कार्यक्रमको आयोजना गरी होली पर्व मनाउने चलन रहेपनि यसवर्ष भने त्यसो हुन पाएन ।
बिगतका वर्षहरुमा होलिको अवसर पारेर विभिन्न संघसंस्थाहरुले होलिमिलन कार्यक्रम आयोजना गर्ने चलन रहेको भएपनि यो वर्ष भने कोरोना भाईरसको सक्रमण फैलने त्रासका कारण सबै कार्यक्रम स्थगित गर्दै क्षणिक मात्र रंग खेलेर होली मनाईएको हो ।
हिन्दू समुदायमा खुसी र उमंगको पर्वको रुपमा मनाईने होलीपर्व एकआपसमा रंग अविर दलेर मनाउने चलन रहेको छ ।
हातमा रंग बोकेर आपसमा रंग दल्दै हिडेका युवा युवतीहरु नेपालगन्जको सुर्खेतरोड, न्युरोडमा रंग दल्दै शुभकामना साटासाट गरेका थिए ।
फोटो : रुद्र सुवेदी / सदरलाइन
