भारतमा झडप हुँदा सातको मृत्यु

  
  प्रकाशित मितिः मङ्लबार, फाल्गुन १३, २०७६       | 262 Views   ||

सदरलाइनडटकम,
काठमाण्डौ : भारतमा विवादास्पद नागरिकतासम्बन्धी कानुनको विरोधमा भएको प्रदर्शनका क्रममा सातजनाको मृत्यु भएको छ । मृत्यु हुनेमा एकजना प्रहरीसहित ६ सर्वसाधारण छन् ।
नयाँ कानुनको समर्थक र विरोधीबीच भएको झडपमा ३५ भन्दा बढी घाइते भएका छन् । अमेरिकी राष्ट्रपति डोनाल्ड ट्रम्प भारत भ्रमणमा रहेका बेला गत वर्ष पारित भएको उक्त कानुनको विरोधमा राजधानी नयाँदिल्लीमा प्रदर्शन भएको हो ।
नयाँ कानुनमा मुस्लिम बाहुल्य मुलुकका गैरमुस्लिम आप्रवासीलाई माफी दिने व्यवस्था गरिएको छ । बहुसंख्यक हिन्दु समर्थक रहेका शहरमा नयाँ कानुनको विरोध भएको छ ।
उत्तर–पूर्वी दिल्लीको मुसलमान बाहुल्य स्थानमा गत वर्षबाट आन्दोलन शुरु भएको हो । दिल्लीका मुख्यमन्त्री अरविन्द केजरीवालले कानुनी व्यवस्था सहज बनाउन केन्द्र सरकारसँग आग्रह गरेका छन् । (एजेन्सी)

प्रकाशित मितिः मङ्लबार, फाल्गुन १३, २०७६     4:54:37 PM  |