सदरलाइनडटकम,
नेपालगञ्ज : ऐतिहासिक नगरी नेपालगञ्जमा पहिलो पटक नेपालगञ्ज फुड फेस्टिभल आयोजना हुने भएको छ । होटल व्यवसायी संघ बाँकेको आयोजनामा फागुन २३ देखि २५ गतेसम्म फेस्टिभल सञ्चालन हुने भएको हो ।
पर्यटन क्षेत्रको प्रवद्र्धन तथा स्थानीय समुदायका परिकारहरुको पहिचान गर्ने उद्देश्यले फुडफेस्टिभल गर्न लागिएको आयोजकले जनाएको छ । विभिन्न छिमेकी देशका गुणस्तरीय परिकारहरु, अत्यावश्यकीय उपभोग्य बस्तुहरुको प्रदर्शन गर्दै मौलिक ऐतिहासिक संस्कृतिको संरक्षणका लागि फुड फेस्टिभल गरिने बताइएको छ ।
फुड फेस्टिभल भव्यतापूर्वक सम्पन्न गर्नका लागि संघका अध्यक्ष भिमलाल कँडेलको संयोजकत्वमा शनिवार पाँच सय सदस्यीय मूल आयोजक समिति गठन गरिएको छ । मूल आयोजक समितिको सदस्यमा पूर्वअध्यक्ष, पदाधिकारीलगायत प्रतिष्ठित अगुवा व्यवसायी रहेको फेस्टिभलका प्रवक्ता डिलाराम शर्माले जानकारी दिए ।
नेपालगञ्जमा पहिलो पटक फुड फेस्टिभल हुने
३ फाल्गुन २०७६, शनिबार १७:५९
