कोहलपुरका वडाध्यक्ष खड्काको शव भेटियो

१ माघ २०७६, बुधबार १६:४४
 

सदरलाइनडटकम,
नेपालगञ्ज : बाँकेको कोहलपुर नगरपालिका वडा नं. १२ का अध्यक्षको शव छिमेकी देश भारतको बहराइचस्थित शंकर होटलमा फेला परेको छ । वडाध्यक्ष कृष्णबहादुर खड्काको शव बहराइचमा फेला परेको जानकारी आएको बाँके प्रहरीको भनाई छ ।
उनको हत्या भए नभएबारे नेपाल प्रहरीले पनि अनुसन्धान गर्ने बाँकेका प्रहरी प्रमुख प्रहरी उपरीक्षक वीरबहादुर वलीले बताए । वडाध्यक्ष खड्काको शव नेपाल ल्याउनका लागि पहल भईरहेको नगपालिकाका सल्लाहकार कुलबहादुर भट्टराईले जानकारी दिए ।
उनको शव नेपाल ल्याउका लागि नेकपा बाँकेका सचिव अशोक कोईरालाको नेतृत्वमा नेता र परिवारका सदस्य भारत गएका छन् । भट्टराईले वडाध्यक्ष खड्का मंगलवारको नगरसभामा समेत उपस्थित नभएको जानकारी दिए ।
उनी कसरी बहराइच पुगे भन्नेबारे प्रहरीले भारतीय प्रहरीको सहयोगमा अनुसन्धान गरिरहेको प्रहरी उपरीक्षक वलीले बताए । मृतक खड्काका तीन छोरी र तीन छारो रहेको नेकपाका नेता बसन्ती अधिकारीले बताइन् ।

Next Post

माघे संक्रान्ति हर्षोल्लासका साथ मनाईंदै

१ माघ २०७६, बुधबार १६:४४
सदरलाइनडटकम, नेपालगञ्ज : माघे संक्रान्ति पर्व बुधवार बाँकेसहित तराईका जिल्लामा हर्षोल्लासका साथ मनाईंदै छ । मकर संक्रान्ति नामले चिनिने माघे संक्रान्ति पर्वमा देशभरका नदी, दोभान तथा त्रिवेणीमा स्नान र देव मन्दिरहरुमा पूजापाठ गरिन्छ । थारु समुदायले आज माघी पर्व मनाउँदैछन् भने मधेशी समुदायले खिचडी खाएर खिचडी पर्व मनाउँदै छन् । […]