प्रहरी जवानको परीक्षामा नक्कली परीक्षार्थी

  ।   २८ मंसिर २०७६, शनिबार १८:५८


सदरलाइनडटकम,
सुर्खेत : प्रहरी जवानको लिखित परीक्षामा सहभागी २२ जना नक्कली परीक्षार्थी पक्राउ परेका छन् । शनिवार बिहान भएको प्रहरी जवानको परीक्षामा अर्काको नामबाट परीक्षा दिइरहेका २२ जनालाई सुर्खेत प्रहरीले पक्राउ गरेको हो ।
जिल्ला प्रहरी कार्यालय सुर्खेतका प्रमुख प्रहरी उपरीक्षक दिल्लीराज पन्तका अनुसार श्रीकृष्ण संस्कृत तथा साधारण मावि इत्रामको परीक्षा केन्द्रबाट १८ जना, इगरब्रिज माविको परीक्षा केन्द्रबाट दुई जना र सुर्खेत क्याम्पस (शिक्षा) परिक्षा केन्द्रबाट दुई जना नक्कली परीक्षार्थी पक्राउ परेका छन् ।
प्रहरी उपरीक्षक पन्तले नक्कली परीक्षार्थीको बारेमा अनुसन्धान शुरु गरिएको बताए । उनका अनुसार कोही आफन्तको र कोही पैसा दिएर नै नक्कली परीक्षार्थी बनेको पाइएको छ ।

Next Post

बस दुर्घटनामा परी चौधको मृत्यु, बीस घाइते

२८ मंसिर २०७६, शनिबार १८:५८
सदरलाइनडटकम, काठमाण्डौ : भक्तपुरबाट कालिन्चोक रिजर्भ गएर फर्किँदै गरेको बस सिन्धुपाल्चोकमा दुर्घटना हुँदा १४ जनाको मृत्यु भएको छ भने २० जना घाइते भएका छन् । बा ४ ख ४४६८ नम्बरको बस कालिन्चोक दर्शन गरेर फर्किने क्रममा पाँच किलो भन्ने स्थानमा आइतवार दुर्घटनामा परेको हो । दुर्घटनामा १४ जनाको मृत्यु भएको […]

सम्बन्धित