प्रस्पिर्धात्मक लाभको सहभागितामूलक विश्लेषण बारे कोहलपुरमा छलफल सुरु व्यवसायिक सामाजिक उत्तरदायित्व बारे नेपालगञ्जमा नागरिक सम्बाद साहित्य महोत्सवको राट्रपति भण्डारीद्वारा उद्घाटन पूर्वाधार विकासमा जोड दिइने : मुख्यमन्त्री पोखरेल मोटरसाइकल दुर्घटनामा एकको मृत्यु तीन दिने क्षमता विकास कार्यशाला सम्पन्न पाँच नम्बर प्रदेशका किसान लक्षित शुलभकर्जा सहजिकरण तथा व्याजमा अनुदान कार्यक्रमको शुभारम्भ भारतमा झडप हुँदा सातको मृत्यु प्रमोद डिजीको ‘अस्ताई जाने घाम जस्तैछ जीन्दगी’ बजारमा नेपालगञ्ज क्यान इन्फोटेकको तयारी तिब्र, टिकटकदेखि पब्जीसम्मका प्रतिश्पर्दा

चोरी पैठारी नियन्त्रण गर्न भन्सारलाई ज्ञापन पत्र

  
  प्रकाशित मितिः मङ्लबार, भदौ १०, २०७६       | 151 Views   ||

सदरलाइनडटकम,
नेपालगञ्ज :  खुला सीमाका कारण अबैध चोरी पैठारी हुने माल वस्तु नियन्त्रण गर्न ब्यापारी र ब्यबसायीका संगठनहरुले नेपालगञ्ज भन्सार कार्यालयमा ज्ञापनपत्र बुझाएका छन् ।
तुलसीपुर उद्योग बाणिज्य संघको अगुवाईमा साबिकका राप्ती अञ्चल अन्तरगतका उद्योग बाणिज्य संघको टोलीले नेपालगञ्ज उद्योग बाणिज्य संघ र कोहलपुर उद्योग बाणिज्य संघ समेतको सहभागितामा अबैध चोरी पैठारी रोक्न माग गर्दै ज्ञापनपत्र बुझाएका हुन ।
नेपाल भारत खुल्ला सिमानाका कारण दैनिक उपभोग्य वस्तु एबं अन्य सामानहरु बिभिन्न बहानामा पैठारी हुँदा यस क्षेत्रका ब्यबसायीहरुलाई अत्यन्तै कठिनाई भएको भन्दै चोरी पैठारीलाई तत्काल निरुत्साहित गर्न ज्ञापन पत्रमा माग गरिएको छ ।
राज्यको मेरुदण्डको रुपमा रहेका उद्योग ब्यापार दिन प्रतिदिन खस्कदै जाँदा राज्यलाई प्राप्त हुने करोडौं राजश्व दैनिक रुपमा गुम्दै गएकाले यसलाई रोक्न नेपालगञ्ज भन्सार कार्यालयले तत्काल कदम चाल्नुपर्ने तुलसीपुर उद्योग वाणिज्य संघका अध्यक्ष बिर बहादुर रावतले जोड दिए ।
भन्सार नाकाबाट कपडा, खाद्यान्न लगायत अन्य माल सामानहरु अबैध रुपमा हुने चोरी निकासीले एकातिर राज्य, अर्को तर्फ कर तिरेर ब्यबसाय गर्ने ब्यबसायीहरुलाई निकै अप्ठ्यारो भएको नेपालगन्ज उद्योग बाणिज्य संघका अध्यक्ष नन्दलाल बैश्यले बताए ।
ज्ञापन पत्र बुझ्दै नेपालगञ्ज भन्सार कार्यालयका प्रमुख शान्तिराम निरौलाले अबैध चोरी पैठारी नियन्त्रणका लागि ठोस कदम चालिएको जानकारी दिदै अझ प्रभावकारी बनाउन चाँडो भन्दा चाँडो पहल गर्ने बताए ।
सो अवसरमा नेपाल उद्योग बाणिज्य महासंघका केन्द्रीय सदस्य कृष्णप्रसाद श्रेष्ठ, बाँके प्रहरी प्रमुख प्रहरी उपरिक्षक बीरबहाुर ओली, सशस्त्र प्रहरी बल नेपाल गण हेडक्वाटर ३० नं गण बागेश्वरी बाँकेका सशस्त्र प्रहरी उपरिक्षक दिपक अधिकारी लगायतको उपस्थिति रहेको थियो ।

प्रकाशित मितिः मङ्लबार, भदौ १०, २०७६     7:06:06 PM  |