सदरलाइनडटकम,
कोहलपुर (बाँके) : कोहलपुर प्रहरीले बलात्कार मुद्दाका फरार आरोपीलाई सार्वजनिक गरेको छ । ईलाका प्रहरी कार्यालय कोहलपुरले बिहीवार पत्रकार सम्मेलन गरी ६ वर्षीया बालिका बलात्कारमा संलग्न रहेको भनिएका गोबिन्द दमाईलाई सार्वजनिक गरिएको हो ।
कोहलपुर नगरपालिका वडा नं. ११ शान्तीनगर बस्ने ३८ वर्षिय दमाई गत असार २१ गते सोही ठाँउकी ६ वर्षीया बालिकालाई बलात्कार गरी फरार भएका थिए । पिडित पक्षले असार २४ गते ईलाका प्रहरी कार्यालय कोहलपुरमा दमाईको नाममा किटानी जाहेरी दिएका थिए । सोही जाहेरीका आधारमा प्रहरीले भाद्र ४ गते दमाईलाई बैजनाथ गाउँपालिका वडा नं. १ गाभरबाट नियन्त्रणमा लिएको इलाका प्रहरी कार्यालय कोहलपुरका प्रहरी नायब उपरीक्षक रमेशबहादुर सिंहले जानकारी दिए ।
पक्राउ परेका दामाई विगतमा समेत विभिन्न अपराधिक क्रियाकलापमा संलग्न रहदैं आएकाले अदालतबाट म्याद थप गरी अनुन्धान प्रक्रिया अगाडी बढाईने सिंहले सिंहका अनुसार प्रहरीले दमाईसँगै बलात्कार घटना मिलाउन सक्रिय अन्य ८ जनतालाई समेत पक्राउ गरेको छ । पक्राउ पर्नेमा अधिकाशं बलात्कार आरोपीका नातेदार भएको खुल्न आएको छ ।
वालिका बलात्कार आरोपमा दमाई सार्वजनिक
५ भाद्र २०७६, बिहीबार १५:४७
