सदरलाइनडटकम,
डडेल्धुरा : आत्महत्या गर्नेहरुको संख्या डडेल्धुरामा बढ्दै गएको एक तथ्यांकले देखाएको छ । गत आर्थिक वर्ष २०७५ साउन महिनादेखि २०७६ असार मसान्तसम्मको तथ्यांक हेर्दा डडेल्धुराका विभिन्न स्थानमा आत्महत्या गर्नेको संख्या ३१ छ ।
जिल्ला प्रहरी कार्यालय डडेल्धुराले सञ्चारकर्मीसंगको परिचयात्मक कार्यक्रममा प्रहरी नायब उपरीक्षक दधिराम न्यौपानेले प्रस्तुत गरेको तथ्यांकमा झुण्डिएर आत्महत्या गर्नेको संख्या २३ छ भने विष सेवन गरी आत्महत्या गर्नेको संख्या आठ गरी ३१ रहेको छ । आर्थिक वर्ष २०७३/७४ मा १४ जना र २०७४/७५ मा १० जनाले झुण्डिएर आत्महत्याको प्रहरीको तथ्यांकमा देखिन्छ ।
गत आर्थिक वर्षमा जिल्ला प्रहरी कार्यालयमा दर्ता भएका कूल मुद्दा ८० छन् । यसमध्ये सबैभन्दा बढी आत्महत्याका मुद्दा भएको प्रहरी नयाब उपरीक्षक न्यौपालेले जानकारी दिए । यसले एकातिर अपराध बढ्दै गएको देखिन्छ भने अर्काे तर्फ प्रहरीको सक्रियता बढेसंगै मुद्दाको सख्ंयामा वृद्धि भएको उनको अनुमान छ ।
डडेल्धुरामा आत्महत्या गर्नेको संख्यामा बृद्धि
२९ श्रावण २०७६, बुधबार १६:४५
