सदरलाइनडटकम,
नेपालगञ्ज : थारू पत्रकार संघ नेपाल बाँकेको अध्यक्षमा भगतराम थारू चयन भएका छन् । नेपालगञ्जमा शनिवार सम्पन्न संघको छैठो साधारणसभा तथा तेस्रो अधिवेशनले अध्यक्षमा भगतलाई चयन गरेको हो ।
अधिवेशनले संघको उपाध्यक्षमा अन्जु चौधरी, सचिवमा सुलोचना चौधरी, सहसचिवमा कृष्ण चौधरी, कोषाध्यक्षमा शम्भु थारू, सदस्यमा लक्ष्मी थारू, रमेश थारू, जागेश्वर थारू र मधुरानी थारू चयन भएका छन् । निर्वाचित समिति तीन वर्षको हुने निर्वाचन अधिकृत बिश्वराज पछल्डङ्याले जानकारी दिए । यसअघि सम्पन्न संघको साधारणसभाले थारू पत्रकारलाई सक्रिय बनाउनुपर्नेमा जोड दिएको छ ।
कार्यक्रममा बोल्दै थारू पत्रकार संघका प्रदेश संयोजक सन्तोष चौधरीले थारू भाषा, कला, संस्कृतिको संरक्षणमा रहेकाहरू एक भएर अघि बढ्नुपर्ने बताए । कार्यक्रममा राप्तीसोनारी गाउँपालिका अध्यक्ष लाहुराम थारू, नेपाल पत्रकार महासंघ बाँकेका अध्यक्ष ठाकुरसिंह थारूलगायतले संघलाई सक्रिय बनाउनुपर्नेमा जोड दिए ।
