सदरलाइनडटकम,
काठमाडौं : नेपाल कम्युनिष्ट पार्टी नेकपाकी सचेतक शान्ता चौधरीले बि–ग्रेडमा एसईई उतिर्ण गरेकी छन् ।
बिहीबार सार्वजनिक भएको नजिता अनुसार सांसद चौधरीले २.६५ ग्रेड (बी ग्रेड) ल्याएर एसईई पास गरेकी हुन् । गत चैतमा भएको एसईइ परीक्षामा सांसद चौधरीले दाङ्गको महेन्द्र मावि तुलसीपुर केन्द्रबाट परीक्षा दिएकी थिइन् ।
उनकी १७ वर्षीया छोरी बिनुले पनि सिर्जना बाल विद्यालय काठमाडौँबाट एसईई दिएकी थिइन् । उनले भने बी प्लस (२.८५ ग्रेड) ल्याएउदै उर्तिण गरकी छन् ।
पूर्वकमलरी समेत रहेकी चौधरी तत्कालीन एमालेबाट २०६४ र २०७४ मा सांसद भएकी हुन् । उनी अहिले प्रतिनिधिसभामा नेकपाको सचेतक छन् । चौधरीले अब उच्च शिक्षा अध्ययन गर्ने बताएकी छन् ।
