राष्ट्रपति भण्डारीद्वारा बागेश्वरी मन्दिरमा पुजाआजा

  
  प्रकाशित मितिः बुधबार, जेष्ठ २२, २०७६       | 28 Views   ||

सदरलाइनडटकम,
नेपालगञ्ज : राष्ट्रपति विद्यादेवी भण्डारीले नेपालगञ्जस्थित बागेश्वरी मन्दिरमा बुधवार बिहान पूजाअर्चाना गरेकी छन् । उनले मन्दिरमा पूजाअर्चना गरी प्रसाद ग्रहण गरेको राष्ट्रपतिका स्वकीय सहसचिव दिपा शर्माले जानकारी दिइन् ।
पश्चिम नेपालकै शक्तिशाली शक्तिपीठ मानिने बागेश्वरी मन्दिरमा कडा सुरक्षा व्यवस्थासहित पुगेकी राष्ट्रपति भण्डारीले राष्ट्रप्रमुख भएपछि पहिलो पटक बागेश्वरी मन्दिरमा पूजाअर्चना गरेकी हुन् । राष्ट्रपतिलाई बागेश्वरी मन्दिरका मुल महन्त चन्द्रनाथ योगीले बागेश्वरी माताको प्रसादका रुपमा फूलमाला तथा टिका प्रदान गर्दै मन्दिरको आर्थिक अवस्थाबारे जानकारी गराएका थिए ।
मंगलवार मुस्लिम समुदायको पवित्र महिना रमजानुलका अवसरमा आयोजना गरिएको ‘रोजा इफ्तार’ कार्यक्रममा सहभागी हुन राष्ट्रपति भण्डारी नेपालगञ्जमा आएकी हुन् ।

प्रकाशित मितिः बुधबार, जेष्ठ २२, २०७६     5:36:50 PM  |