पत्रकार महासंघद्वारा थप आन्दोलनको घोषणा

५ जेष्ठ २०७६, आईतवार १६:०९
 

सदरलाइनडटकम,
काठमाण्डौ : नेपाल पत्रकार महासंघले मिडिया काउन्सिल सम्बन्धी विधेयक विरुद्ध थप आन्दोलनको घोषणा गरेको छ । महासंघका अध्यक्ष गोविन्द आचार्यको अध्यक्षतामा आइतवार बसेको केन्द्रीय समिति बैठकले थप आन्दोलन गर्ने निर्णय गरेको हो ।
‘पहिलो चरणको आन्दोलन सम्पन्न हुँदासमेत सरकारले जायज मागहरु सम्वोधन गर्नेतर्फ कुनै गम्भीरता देखाएको छैन’ महासंघद्वारा जारी विज्ञप्तिमा भनिएको छ,’ ‘समस्या समाधान गर्न सरकार सकारात्मक नदेखिएकाले महासंघले दोस्रो चरणको आन्दोलन घोषणा गरेको छ ।’
मन्त्रीपरिषद्बाट पारित भएर बैशाख २६ गते संसदमा दर्ता भएको मिडिया काउन्सिल सम्वन्धी विधेयक विरुद्ध महासंघले पदर्शन गर्दै आएको छ । उक्त विज्ञप्ति मार्फत् पहिलो चरणको आन्दोलन सफल गराउन सहयोग गर्ने सबैलाई महासंघले धन्यवादसमेत दिएको छ ।

Next Post

त्रिशूलीमा बस खस्दा मृतकको संख्या सात पुग्यो

५ जेष्ठ २०७६, आईतवार १६:०९
सदरलाइनडटकम, काठमाण्डौ : धादिङको आदामघाट नजिक बन्छेटारबाट त्रिशूली नदीमा बस खस्दा मृतकको संख्या ७ पुगेको छ । काकडभिट्टाबाट काठमाण्डौका लागि छुटेको ना ७ ख ४३ ८७ नम्बरको रात्री बस गजुरी गाउँपालिकाको बन्छेटारमा घुम्तीबाट त्रिशूली नदीमा खस्दा काठमाण्डौको चन्द्रागिरि नगरपालिकाकी ३५ वर्षकी सीता थपलिया, काठमाण्डौ थानकोटका ५१ वर्षका राजकुमार सुवेदी, कन्याम […]

सम्बन्धित