भोलीदेखि ४८ घण्टाका लागि भारतीय नाका शील

२० बैशाख २०७६, शुक्रबार १६:०६
 


सदरलाइनडटकम,
नेपालगञ्ज : छिमेकी राष्ट्र भारतमा जारी १७औं लोकसभाको चुनावलाई दृष्टिगत गर्दै शनिवारदेखि ४८ घण्टाका लागि नेपाल भारत सीमानाका शील गरिने भएको छ ।
सात चरणमा सम्पन्न हुने आम चुनावअन्तर्गत पाँचौ चरणमा बैशाख २३ गते बहराइच जिल्लामा चुनाव हुने भएको हुँदा उक्त जिल्लासँग जोडिएको नेपाल भारत सीमा शनिवार बेलुका ६ बजेदेखि बैशाख २३ गते बेलुकी ६ बजेसम्मका लागि बन्द गरिने जिल्ला प्रशासन कार्यालय बाँकेले जनाएको छ ।
लोकसभा चुनावलाई सुरक्षित र मर्यादित बनाउनुका साथै उत्छ«खंल तथा आवांक्षित गतिविधी रोक्नका लागि नेपालगञ्ज–रुपईडिहा सीमानाका ४८ घण्टाका लागि बन्द गरिने भएको हो ।
विरामी, एम्बुलेन्स, दमकल र अत्यावश्यकीय काम परेमा दुबै देशका सुरक्षा निकायसँग समन्वय गरी आवतजावत गर्नसकिने प्रशासनले जनाएको छ । सीमा बन्दका समयमा दशगजामा नजान बाँके प्रशासनले सबैसँग आग्रहसमेत गरेको छ ।

Next Post

सम्बादको पहलमा सडक निर्माण पुनः शुरु

२० बैशाख २०७६, शुक्रबार १६:०६
सदरलाइनडटकम, नेपालगञ्ज : नेपालगञ्जदेखि कट्कुईयासम्म निर्माणाधिन हुलाकी राजमार्गमा देखिएको अवरोध हटेपछि निर्माण कार्य पुनः तीब्र भएको छ । वर्षौदेखि सडक विवाद साम्य भएपनि निर्माण कार्यले अपेक्षाकृत गति लिन नसकिरहेको अवस्थामा सम्वाद समूह बाँकेको पहलमा निमार्ण कार्यले तीब्र भएको हो । नरैनापुर गाउँपालिका वडा नम्बर ५ मटेहियास्थित निर्माण कार्यमा देखिएको अवरोध, […]