चार बुँदे सहमतिपछि धनगढी बन्द फिर्ता

  
  प्रकाशित मितिः आइतवार, चैत्र १०, २०७५       | 53 Views   ||

तस्बिर : ईमेज खबर ।

सदरलाइनडटकम,
कैलाली : चार बुँदे सहमतिपछि धनगढीमा आन्दोलनका सबै कार्यक्रम फिर्ता लिइएको छ । साथै धनगढी अत्तरिया सडकमा यातायात पनि सुचारु भएको छ । धनगढी उप–महानगरपालिका वडा नम्बर ३ मा रहेको सुधार गृहका कर्मचारी मृत फेला परेको घटनाको छानविनको माग गर्दै आइतवार विहानैदेखि धनगढी–अत्तरिया ६ लेन सडक अवरुद्ध गरिएको थियो ।
प्रमुख जिल्ला अधिकारी बाबुराम श्रेष्ठ, धनगढी उप–महानगरपालिकाका मेयर नृप ओड, कैलाली प्रहरी प्रमुख आभुषण तिम्सिना लगायत र पीडित पक्षबीच भएको छलफलपछि सडक खुलाइएको हो । सहमतिअनुसार जिल्ला प्रशासन कार्यालय कैलालीले मृत फेला परेका धनगढीका जनक ढुङ्गालको शव पोष्टमार्टका लागि सेती अञ्चल अस्पताललाई विशेषज्ञ टोली ल्याउन आग्रह गर्ने भएको छ ।
घटनाको अनुसन्धानलाई निरन्तरता दिने, कानुन बमोजिमको क्षतिपुर्तिका लागि पहल गर्ने र राहतका लागि स्थानीय तहसँग अनुरोध गर्ने सहमतिमा आन्दोलनका सबै कार्यक्रम फिर्ता लिईएको हो । स्थानीय र पीडित पक्षले ढुङगालको मृत्यु शंकास्पद भएको भन्दै छानविनको माग गर्दै आएका थिए ।

प्रकाशित मितिः आइतवार, चैत्र १०, २०७५     3:39:26 PM  |