सदरलाइनडटकम,
नेपालगञ्ज : बाँकेका उत्साही युवाहरुले युरोपको लोकप्रीय फोटोकपी पेपर आइ क्यू प्रिमियम र माएस्ट्रो सुप्रिम भित्र्याएका छन् । अष्ट्रियाको मोन्डी ग्रुपले उत्पादन गर्दै आइरहेको फोटोकपी पेपरको आइतवारदेखि नेपालगञ्जमा औपचारिकरुपमा बिक्री शुभारम्भ गरिएको छ ।
विश्वकै सर्वोत्कृष्ट ननकोटेड कागज दाबी गर्ने उक्त पेपर गुजरातस्थित एक्सेल इण्टरप्राइजेजको सहकार्यमा ग्रिन एण्ड क्लिन कम्पनी प्रालिले नेपाल भित्र्याएको हो । रंगिन फोटोकपी, फोटो छपाई तथा किताब छपाईमा पेपरको प्रयोग उपयुक्त हुने प्रालिका अध्यक्ष शकील अहमद खानले बताए । प्रिन्टरको टोनर कम खर्च हुने तथा चिल्लो कागजमा जस्तै गुणस्तरीय फोटो छपाई गर्न सकिने कम्पनीले जनाएको छ ।
शुभारम्भ कार्यक्रममा एक्सेल इन्टरप्राइजेजका निखिल ओझा, ग्रिन एन्ड क्लिन कम्पनीका शकील अहमद खान, प्रबन्ध निर्देशक ओमप्रकाश मिश्र, सञ्चालक किरण ढकालले कार्यक्रममा उत्पादन र बिक्रीको योजना सुनाएका थिए । मोण्डी ग्रुपका प्रतिनिधी ओझाले उक्त पेपर अन्य कम्पनीभन्दा बढी गुणस्तरीय भएको दावी गरे ।
गुणस्तरीय पेपरको नेपालगञ्जमा बिक्री शुरु
३ चैत्र २०७५, आईतवार १४:४२
