सदरलाइनडटकम,
काठमाण्डौ : पत्नीलाई जबरजस्ती करणी गरेको आरोपमा प्रहरीले भक्तपुरमा एक जना पक्राउ परेका छन् । भक्तपुरको मध्यपुरथिमि नगरपालिका ९ बोडे गाँकु बस्ने ४१ वर्षीय रञ्जन खड्कालाई श्रीमती बलात्कार गरेको आरोपमा प्रहरीले पक्राऊ गरेको हो ।
श्रीमतीको इच्छा विपरीत जबरजस्ती बलात्कार गरेको अभियोगमा महानगरीय प्रहरी वृत्त थिमिले खड्कालाई पक्राउ गरी वैवाहिक बलात्कार ऐनअन्तर्गत मुद्दा चलाएको प्रहरी वृत्त थिमिका प्रहरी नायब उपरीक्षक मिलन केसीले जानकारी दिए ।
३७ वर्षीया श्रीमतीले आफूलाई माघ ४ गते श्रीमानले जबरजस्ती बलात्कार गरेको भन्दै माघ ६ गते प्रहरीमा उजुरी दिएकी थिइन् । प्रहरीमा उजुरी आएपछि खड्कालाई पक्राउ गरी अनुसन्धान शुरु गरेको प्रहरी नायब उपरीक्षक केसीले बताए । प्रहरीले पीडित महिलाको माघ ६ गते नै प्रसूति गृह थापाथलीमा स्वास्थ्य परीक्षण गराएको थियो ।
श्रीमती बलात्कार गरेको आरोपमा एक पक्राउ
१५ माघ २०७५, मंगलवार १८:३१
