सदरलाइनडटकम,
बुटवल : सिद्धार्थनगर नगरपालिका–१०, शंकरपुरमा प्रहरीले चलाएको गोलीबाट एक जनाको मृत्यु भएको छ । गस्तीमा रहेको प्रहरी टोलीमाथि अकस्मात् गोली प्रहार भएपछि जवाफी कारबाहीमा तस्करको मृत्यु भएको रुपन्देही प्रहरी प्रमुख प्रहरी उपरीक्षक हृदय थापाले जानकारी दिए ।
भारतीय नम्बर प्लेटको मोटरसाइकलमा आएका करीब ३५ वर्षीय तस्करले प्रहरीमाथि गोली चलाएपछि जवाफी कारबाहीमा गोली चलाएको थापाले बताए । प्रहरीको जवाफी कारबाहीमा घाइते भएका उनलाई अस्पताल लैजाँदै गर्दा बाटोमै मृत्यु भएको र उनको शव हाल पोष्टमार्टमका लागि भीम अस्पताल, रुपन्देहीमा राखिएको प्रहरी उपरीक्षक थापाले जानकारी दिए ।
मृतक भारतीय नागरिक हुनसक्ने प्रहरीको अनुमान छ । घटनास्थलबाट प्रहरीले अटोमेटिक लोडेड पेस्तोल तथा उनले प्रयोग गरेको युपी ५३ एच २०२८ नम्बरको भारतीय मोटरसाइकल बरामद गरेको छ । प्रहरी उपरीक्षक थापाका अनुसार तस्करले चलाएको गोली लागेर एक प्रहरी जवान घाइते भएका छन् । उनको बायाँ पाखुरामा गोली लागेको छ ।
रुपन्देहीमा प्रहरी र तस्करबीच झडप
२९ पुष २०७५, आईतवार १०:३८
