सदरलाइनडटकम,
दाङ : दाङमा बस दुर्घटना हुँदा ९ जनाको मृत्यु भएको छ । सल्यानबाट दाङको तुलसीपुर आउँदै गरेको बस दुर्घटना हुँदा नौ जनाको मृत्यु भएको बताइएको छ । सल्यानबाट आएको बा ४ ख ९७६६ नम्बरको बस दुर्घटनामा परेको प्रहरीले जनाएको छ ।
शैक्षिक भ्रमणका लागि सल्यानको मूलपानीमा गएको बस फर्कने क्रममा दुर्घटना भएको इलाका प्रहरी कार्यालय तुलसीपुरले जनाएको छ । कृष्णसेन इच्छुक स्मृति बहुप्राविधिक शिक्षालयका शिक्षक तथा विद्यार्थी बोकेको बस दुर्घटना भएको हो ।
अहिलेसम्म मृत्यु हुनेमा एक महिला र आठ पुरुष रहेको बताइएको छ । बसमा २१ पुरुष र नौ महिलासहित ३० जना रहेको प्रहरीले जनाएको छ । सडकबाट बस ७ सय मिटर तल खसेको छ । मृतकको संख्या अझै बढ्न सक्ने प्रहरीले जनाएको छ ।
दाङमा बस दुर्घटना हुँदा नौ जनाको मृत्यु
६ पुष २०७५, शुक्रबार १८:३९
